الحكومة تعلن اهتمامها بالتعليم وفي نفس الوقت تقوم بتخفيض ميزانية التربية والتعليم العالي
اشلون هالحجي مادري؟
يمكن خبراء ومستشارين الحكومة لقوا طريقة سحرية تخليهم يطورون التعليم مع تقليل الميزانية؟
ويمكن الحكومة تبي تنكت عشان الشعب يضحك على غبائها؟
دولتنا صغيرة وماهي قد الحروب ورحم الله امرئ عرف قدر نفسه
وبالتالي بدل الصرف اللي ماله والي على معدات عسكرية تنفخ كروش وكلاء السلاح المتنفذين ويكون مصيرها انها تصدي بالمخازن
فالأولى ان يتم تخفيض ميزانية وزارة الدفاع لمصلحة وزارة التربية والتعليم العالي
لأن الدول الصغيرة اللي مثلنا سلاحها الوحيد مواردها البشرية
والموارد البشرية ما تعلو الا بالتعليم
بس للأسف محد راح يفهم هالشي لا بالحكومة ولا بالمجلس خاصة اذا عرفنا ان أهم مؤهلات عضو المجلس اهيا القراءة والكتابة
واذا عرفنا ان بعض أعضاء الحكومة زين اذا اهما خلصوا الثانوية العامة
وللعلم ان سنغافورة بلد صغير وغني وكل جيرانه طمعانين فيه
لكن حكمة وحنكة حكامه خلتهم يحافظون عليه بالتعليم وفتح البلد للاستثمارات الخارجية اللي اربطت مصالح دول العالم باستقرار سنغافورة
بس منو يتعلم؟
33 comments:
أنا أتعلم و الله
آه يا ألبي يا كتاكت ياللي شايل الهم و ساكت
:(
سدرة
عيل ان شاءالله تصيرين نائبة والا وزيرة
ويه اسم الله علي
لا فالك ما قبلناه
اتنازل حقك ... شرايك ؟
و اصير حرو سعادة الوزير
:P
سدرة
آنا حدي ماشتهي الحكومة ومابي وزارتهم
بس خلاص و لا تزعلون انا ابى ارشح نفسى
بس ابى مساعدتكم
:)
شعارى
براقش فى كل مكان
اى لا كان
مع
ابتسامة
:)
اي واللــــــــــه خلنا ساكتيــــــن ... خـــــــــوش اهتمام
براقش
انتي مرشحة فوق العادة
منو ينسى
بعد اشتبون أكثر
لا مو صج @@
اتصدق عاد كان هالموضوع في بالي ونسيت اكتبه ابوستي اليديد؟؟؟؟؟؟
قلتها انكمل بعض والله انك صاج بهالكلمه
اي والله الموضوع يفشل .... لا ويبون الديره تطور؟؟؟؟ اشلون تطول ومستوى التعليم متدني؟؟؟؟؟؟
بدال ما يشترون طيارات بالمليارات خل يقطون على عيالنا عشان يطلعلنا جيل فاهم وواعي .... بس الظاهر ما يبون الناس توعى
يعطيك العافيه على اثارة الموضوع
بدل الصرف اللي ماله والي على معدات عسكرية تنفخ كروش وكلاء السلاح
..
هههههههه صراحة ضحكت لما قريت هالجمله
والله ما أدري شقول
أقول يخلونا أحنا و عيالنا درسنا بمدارس خاصة مالهم شغل فينا ؟
و يخلون ميزانيتهم لهم كفوهم !؟
بتطيح ابطن
الدويلة و سعاد الصباح و فؤاد الغانم
وباقي الشلة ؟؟
دمت بالف خير
عمك أصمخ
ملينا واحنا انقول
تربيتنا اهم شي
ليش امقصرين عليها
صحتنا مهمه .. اهتمو فيها
لكن مره ثانيه نقول
عمك أصمخ
اذا نص اعضاء المجلس دكاتره فخرين .. منو بالله بيهتم بالتعليم ..
وترى محد منهم لاحظ هالشي ولانه مو من اولوياتهم
خلهم بس ركضه على الفلوس و المداحر .. شلهم بمصلحه الديره و عوار القلب..
شلون يقدرون ينزلون الميزانية
وتوهم زايدين عدد مقاعد البعثات من 350
الى 1500
يعني في بند واحد فقط هناك زيادة أكثر من 4 أضعاف
اذا كلامك صحيح انا أضمنلك العجز في الميزانية
معلومة صغيرة عالماشي
سنغافورة حُكمت بالجزمة عز الله القارئ
حتى العلك كان ممنوع
علم البلاد ممنوع ينرفع في مباراة
صحيح ما كان حكم دكتاتوري
لكن كان حكم تسلطي
اكو احد يرضى نسير في هالمسار؟
ما اظن
وعلى فكرة
سنغافورة بجيشها و بحريتها لو تدخل حرب مع ماليزيا ترضها
هي اسرائيل المنطقة هناك
كل الشكر
اذا من اهم اولويات اللجنه التعليميه فصل الاختلاط
ترا اذا مارفعوا ميزانية التربيه اطلع وماصير مدرسه
اللهم اني بلغت اللهم فاشهد
قاعده اهددهم
:p
عزيزي فتى الجبل في مثل كويتي قديم يقول
خرجه على البرجه طاحت بالماي قالت تش
يعني هذا حد يوشهم
:P
السالفة مو سالفة السالفة سالفة طرق تدريس معفنه اكل عليها الدهر وشرب ثم..تريع
ثقافة الحشو اهي المشكله ثقافة كتم الابداع اهي المشكله ثقافة لا تجادل ولا تناقش اهي المشكله
على ايامنا اذا بطلنا حلوجنا على المدرس الفلسطيني..ولا الاردني..نسألة شلون صارت هالشغله..سكتنا بعصاته
ولازلنا نحمل نفس التركة في المدارس الحكومية
مهندس
الله يعافيك
حياتي
ما تشوفين كروشهم اشكبرها
بس
منو يدفع لنا مصاريف المدارس الخاصة
كويتي
صمخهم صمخ جلاب مكرم السامع
الخيلاء
مثل ما عندنا شيوخ بلاش
هم عندنا دكاترة بلاش
صلاح
ياخوي
اهما يزيدون صوب بالتعليم وينقصون من الصوب الثاني
ولد الديرة
واحنا ليش مانطالع الا السلبيات
ليش ما نستفيد من الايجابيات
وعلى فكرة حتى أمريكا ماتحدت الا بالحرب الأهلية وتم فرض الدستور من الشمال على الجنوب
احنا خلنا ناخذ ايجابيات التجربة مو سلبياتها
بمعنى ناخذ من أمريكا رقي دستورها مو الحرب اللي انتجت هالدستور
وناخذ من سنغافورة طرق تطويرها مو حكمها التسلطي
وقيس هالشي على كل بلد
حمودي
صاج ياخوي
شنو انتريا عقبها منهم
سيليزيا
كفو:p
بوراشد
صح لسانك
كراكاتوا
صح
ما ذبحنا الا سياسة التلقين
والله الحجر من كثر ما نلبح بهالمدونات يتعلم, بس ربعنا مو غشيمين, لكنهم الله يهديهم يتغيشمون
الزين
وانتي الصاجة يتغيبون
Post a Comment