البارحة وآنا ماخذلي غفوة جريب المغرب حلمت وآنا جني بين أهل قريش واهما قاعدين يعبدون أصنامهم
قعدت أطالعهم وأسأل نفسي عن هالغباء اللي يخلي الانسان يصنع الصنم بايده بعدين يقعد يعبده ...لا ولما يوصل هالانسان لقمة الغباء يصنع الصنم من تمر ويعبده...وعقب فترة لما ييوع ياخذه وياكله...والمشكلة انهم يعتبرون هالشي قمة الذكاء...طبعا ما عجبني الوضع (ترى هذا كله بالحلم) رحت أحاجيهم وأنصحهم ان الشي اللي قاعدين يسوونه غلط...جان انطق طق السنة بساعة من أبو جهل وأبو لهب واهني صحيت من نومي وتعوذت من ابليس وحمدت ربي انه كان مجرد حلم
بعدين فكرت بأحوالنا بالديرة وشفت ان حالنا مو أحسن من أحوالهم مع ان احنا نقول ان احنا ما نوطي راسنا الا حق ربنا
جم واحد فينا يعبد الدينار؟
جم واحد فينا يعبد قبيلته؟
جم واحد فينا يعبد طائفته؟
وجم واحد فينا يعبد نفسه؟
وجم واحد فينا يعبد معزبه؟
وجم واحد فينا نسى ان الخير خير ربنا ثم ديرتنا
22 comments:
فتى الجبل .. صاج حالنا مو احسن من حالهم بشكل او بآخر
الحمدالله على كل شيء جميل وغير جميل بكويتنا
فهي تبقى اجمل في نظرنا
والله انتقاداتنا انتقاد الحريص البناء على امور معينه
ومن باب غيرتنا وحبنا لا من باب التحبيط والتثبيط
لوووووووووووول
انا هقوتي البرد مسوي سواته معاك انت والناس كلها
كل من يحجي عن احلام غير نمونه
وكله تخرع بالأوادم
خير ان شاء الله
لا تحاتي طالما كلوا الصنم خيرته تكرم البواليع
مثل الناس عبادين الفلوس والنفوس والطوايف والقبايل
لهم نفس المصير
وحشاك لن يذكرهم التاريخ الا بالزبايل
انا اليوم كلش مو شي
المفردات عندي رايحه فيها
منك السموحه
:)
بوحامد
تأكد تماما ياخوي ان لولا حب هالأرض جان عشنا مثل بقية الناس اللي بالديرة..أكل ومرعى وقلة صنعة
زوزوتا
مسموحة
واللي قلتيه عنهم مو مسبة
لأنها صفات اهما يفتخرون فيها حمدالله والشكر
حالنا من حالهم , مو بس من النواحي اللي ذكرتها و لكن من كثير من النواحي
مطقوق
صح
بس أكو أشياء مانقدر نقولها
اى والله صدقت حلمك هذا عجيب وكتابتك لنا ياه يوضح لنا وايد امور
مادرى ليش صرنا جذي
الله يصلح عقولنا وفكرنا
منو يقدر يكسر هالاصنام؟
الاستنكار ما يكفي مع عبادة الاصنام
وتكسيرها يحتاج ايمان ابراهيم عليه السلام
اخوي فتى ما اقول الا
قاتل الله الغلو
اي والله صاج
لا والمشكلة في ناس تعبد شخصيااااااات
لا والبعض مدريد وبرشلونه :)
كل من يعبد شيء من اللي ذكرتهم..تذكر انهم زايلين
وخرته بيلفي على غيرهم..الا انتماء الى هذه الارض اهو اللي باقي بس منو يفكر..بهالموضوع منو مستعد يتخلى عن عبادته لقبيلته او طائفته او ولي نعمته
علشان هذه الارض..
و أنا ويني بالحلن عسى بس كنت وياك؟ و لا وياهم ؟
تصدق انا ليلحين مو متخيلة ناس كانوا يعبدون اصنام مهما كانت عقليتهم
ياربي حيارة شعبد فيها استغفر الله
:)
شيماء
اللهم آمين
صلاح
ما يقدر عليها الا الشعب
هذا اذا كان فينا حياة
بوراشد
ان الله لا يغير ما بقوم حتى يغيروا ما بأنفسهم
كويتي
آنا مانشستر يونايتد
كراكاتوا
ربنا يزيد اللي يعشقون هذي الأرض
سدرة
لا كنت بروحي
معاك حق
اخوي فتي الجبل
حالنامو أحسن من أحوالهم واللي حاصل اهو اللي يعور القلب بصراحه
تحياتى وسلامى
هدب
الله يحييج
لا تتعشى دسم وتنام
احنا كافي علينا الواقع اللي نعيشه
موناقصين احلام بعد
كويتي
حاضر عمي
هذا على قولة حسينوه حلم يا يبه حلم
ولما مل من سعد قال
يا..حلمي وآنا كيفي
Post a Comment