صار لي 12 سنة ونص من تخرجت من الجامعة واشتغلت
وكل هذي المدة قضيتها بالقطاع الخاص لأن مجالاته أرحب وأوسع من الحكومة
علاوة على المستقبل الأفضل والمهارات الأحسن وحرية اتخاذ القرار فيه أسرع وأكبر
والأهم ان معاشاتهم أكثر أو خلنا نقول كانت أكثر
لأن مع الزيادات المتتالية لمعاشات القطاع الحكومي (الله يهنيهم) ومع راحة البال اللي يعيش فيها موظف هذا القطاع والشغل القليل بديت أحس بصراحة اني كنت أكبر غبي لأني صدقت نفسي ورحت حق القطاع الخاص اللي كله تعب وقلة راحة وساعاته أطول والحين صار معاشه بالنسبة للحكومة ما يسوى
فأمنيتي ان الحكومة الرشيدة أو المو رشيدة ترفع معاشاتنا احنا موظفي القطاع الخاص مثل ما ترفع معاشات قطاعاتها خاصة ان الغلاء صاير على الكل مو بس موظفي القطاع الحكومي واذا ما صار هالشي مالنا الا نتجه حق القطاع الحكومي
التوقيع : مدون مقرود بالقطاع الخاص
ملاحظة للديوان الأميري والحكومة
احنا اللي فينا مكفينا
والزحمة منا وفينا
زين ليش ما يتم الاستعانة بالطيران العمودي لتنقلات زوار الديرة من الرؤساء والضيوف الكبار وايد آمن لهم ويقلل الازدحام علينا؟
45 comments:
خنت حيلي... ما زادوكم؟
:P
الصراحة انا معاك يعني اللي بيزيد يزيد الكل و اللي يستحق أما التفرقة هذي حرام و مثل ما قلت الغلاء ما يفرق بين موظف حكومي أو خاص
أنا أطالب و بقوة يزيدونك انت بالذات عشان توديني ايطاليا نشف ريجي و انا أحن عليك
:P
------
قول الصج ... هلاقتراح
منو اقترحه عليك
:)
بس صاج صاج يا فتى الجبل يا ولد أم فتى الجبل
:D
سدرة
ماكو ايطاليا
أكو هيوستن
وهذا اقتراحي مو اقتراح أحد ثاني
بعد شتبين الريال بيوديج هيوستن
يبا ودها ايطاليا تستاهل سدره ... روحوا فنيسيا وركبوا القارب ومروا تحت النفق وعطها ورده
عيش الرومانسيه يا اخي :)))
طالع منو الي يقول رومانسيه
المهم انا اطالب مع اخوي وزميلي العزيز فتى الجبل بزيادة معاشاتهم لانهم يستاهلون
وين هده خله يتحدى؟؟؟
انزين اتهده وتعطي الي ما تهده اكثر منه ما يصير الله ما يرضى
بعدين الريال صارله 12 سنه اخذوه وحطوه مستشار برتبة وزير ترى يستاهل
والا شرار احسن منه؟؟؟؟
فتى الجبل لا تحاتي انشالله بيزيدون معاشاتكم بالقريب العاجل :))))
كل شي بالديره بالقريب العاجل وما شفنا شي
وانا معاك لازم يحطون هليكوبترات
بس بوش يستاهل خل يصكرون الشوارع :))
مهندس
ايطاليا غالية
أمريكا أرخص
اعتصم وطالب بكادر
وبعدين اقتراح كبار زوار الكويت ممتاز، وأنا أزيد عليه لو ما اييون أحسن وربعنا يروحون لهم، بدال لا يشغلونا ويشاغبونا
هده
خله يتحدى
صدقـــــــــــــــــــــــت
اهما خلونا نتحدا وهدونـــا عكسوا الشعار
بدل سياره بالشهر 100 دينار وتطلع اجازه يوم يخصمون منه 5 :/ وبانزين السياره بالشهر لو تقول كل 3 ايام 5 هذي 150 غير السيرفس وغير واحد اثول ينام عليك والا توايرك تنتحر
انا فعليا فكرت بنتقل للحكومه بس ناطر استحق فلوس الصندوق هههه مايروح كرافي اب بلاش
وبقزرها بططلع حرة خدمتي الخاص مابي منصب ابي اخذ معاشي ونام بيات بعد الكرف ويصير الشعار....هده خله يريح
اخخخ يافتى الجبل جنك تدري أخوك قلبه متروسه:)
السلام عليكم
بصراحة الغلا اللي قاعد يصير شيء مو طبيعي وفوق الخيال
قبل اذا رحت الجمعية اشتري الاغراض الحساب تقريبا من 70 الى 90 دينار الحين اللي قاعد اشوفه انه صار من 100 الى 120 دينار
بالله هذه حالة
ميخالف اخوي صبر حالك كلها جم يوم وبنعرف مصير هالزيادة اللي امأذينا عليها عسى ماتكون فشقي مافيها شيء ولا اتبرد الجبد
خوش ملاحظة :)
والله يرزقكم انشالله واذا كلش كلش ماكو خلاص حول عالحكومة ماراح تخسر شي :)
فتي الجبل
-----------
لا تقول عاد صارلي جم يوم اقولب سالفه القطاع الخاص براسي .. ودي اروح لهم ..
بس كلامك مايشجع .. شكلي بتم على مينوني لا ايني الي اين منه
اما عن الزوار والله صج .. الجو خالي .. يودونهم طريج الجو ..
الطرق يالله مكفيتنا ..
أعتقد الزيادة اللي راح تقر في فبراير راح تحوشكم ؟؟؟
وأذا ما حاشتكم نتضامن معاكم كلنا ونروح أمريكا
الله يعينكم
بصراحه ما الومك
فرق بين الاداء بين القطاعين
ان شاء الله يزيدونكم قريبا
:)
ويي و انا قاعده 5 سنين بالجامعه عشان القطاع الخاص و لما ييت بتخرج طلع جذي =\
يبيله اعتصام و بعدين حرام يساوون القطاع الخاص بالحكومه الا المدرسات يستاهلون و في جم مكان بعد بس الباجي لا
يعني الله يرضى يتساوى الي يعطي الفراش يبصمله (بتايلند يسوون شي يطابق لبصمتهم عشان يعطون احد يبصم ) و مايروح الدوام الا ساعه لا بعد بهالساعه مايشتغل مع الي من الصبح لي اخر الدوام كراف لا مايصير
صدقت يافتى الجبل
والله وتساوت الروس
الحين موظفين الحكومة الي لاشغل ولا مشغلة بيتساون مع موظفين الخاص الي حوالي ال10 ساعات شغل وانتاجية تسوى
هزلت يافتى الجبل
واقتراح الطائرة العامودية عين الصواب
ويعطيك العافية
زين ليش ما يتم الاستعانة بالطيران العمودي لتنقلات زوار الديرة من الرؤساء والضيوف الكبار وايد آمن لهم ويقلل الازدحام علينا؟
( على طاري الضيف الأخير .. ليش مو الطيارة إلي جابته إهي إلي تتنقل فيه ؟ )
لم أخطأ ندما أضفت مدونتكم بالمفضلة :)
بارك الله بكم
يا شين المواكب
كنت محتاره بين الحكومي والخاص
وخوش بشاره :)
..
وإهي ما توقف على الزوار قول
أهم نفسهم يصكرون الشارع نص ساعه
عشان الأخ يبي يمر والله حاله
يعني إحنا مو ناس ؟؟
أستغفر الله ياربي
الكويت كل السنه صحو
والبلد مخترق من الارهابين والمجرمين كا القاعده وحزب الله
يخااافون يصكونهم بكاتيوشا
فكونا ..الازدحام احفظ
فمالله
حول للحكومة (:
و
خوش فكره
اخوي فتى الجبل اخذها نصيحة من اخوك
عليك بالبورصة خيرٌ كثير وجهدٌ يسير
وبلا منتهم تقول هالنفط اهم اللي صانعينه والله لو مو الله سبحانه وتعالى تفضل علينا فيه جان علوم والله يرحم ايام الدروازة
تحياتي
لا اللي في القطاع الخاص مرتاح
و لا اللي بالقطاع الحكومي مرتاح
الله يعين
صباح الخير يا فتى الجبل
والله خووش اقتراح عجبنى
بس الزحمه مو من الزوار
مو كل يوم عندنا زوار
المشكله فينا وطلعاتنا حق الدوام
اهنى المشكله بسوء التخطيط
كلنا بنفس الوقت
دوامات ومدارس
:/
كله كووم وموكب بوووش كووووووووم
ساعه ونص بالشارع واقفين عشان جنابه يطوف
:/
وعلى زياده الرواتب
انشاااءالله يزيدوونكم تستاهلون
والشهاده لله كرف عندكم
كريزما
تحوشكم الزيادة أن شاءالله ، و أذا زادوك ودها أيطاليا و فك نفسك من اللبحة :)
أقتراح معقول بخصوص كبار الزوار
دمت بخير
العسكر
أو يخلونهم يمشون بالشوارع ويعطونا هيليكوبترات نطير فيها
مطقوق
هده
خله
يتمرمط
الفنطاس
حتى آنا قلبي متروس
وشكلنا آخر شي بنحول حق الحكومة
someone
شكلها بس دينارين
سيليزيا
والله صرت أفكر جديا بالحكومة
الخيلاء
أحسن لج روحي هيئة حكومية مثل التأمينات..الصندوق الكويتي...البنك المركزي...الخ
والخاص خليه آخر السنين قبل التقاعد عشان يرفع المعاش التقاعدي
هذيان
بهاجر حق كينيا
داركنس
آمين
مارشميلوس
يا يبه الكويت مافيها معيار للكفاءة
اللي ما يشتغل واللي يكرف كلهم واحد
علي
طبعا الدكاترة والنفط والهيئات المستقلة عندهم شغل ويستاهلون ومعاهم المدرسين أما الوزارات فلا عندهم شغل ولا مشغلة وحرام يتساوون معانا
كلي ثقة
ويبارك فيج
بوصالح
اي والله
حياتي
اهما درجة أولى
واحنا عاشرة
اجار
الارهاب بكل مكان الله يهداك
واللي يموتون بتفجيرات أرضية أكثر من اللي يموتون بتفجيرات جوية
يعقوبو
الفكرة براسي
بس ناطر الوقت المناسب
بوراشد
مو هم البورصة شقتنا
بيس
اللي بالحكومة مو مرتاحين؟
أشك بهالشي...وايد قوية
كاريزما
مو هذي المشكلة
بيتنا بمشرف
وبيت الأهل بجنوب السرة يعني خمس دقايق وأوصل...ذاك اليوم قعد ساعة الا ربع بسبة انهم صاكين الطريج وللعلم كان يوم اجازة
بس
قلنا ايطاليا لأ
هيوستن أوكي
Ana ra'9ia atwa'6af bl qe6a3 al5aa9 7ta law mafe zeiada o karaf mn awal aldawam leen nehaita .... bas 3la alaqal ashte'3eel sha'3la tnaseeb mo2ahaly o ham i36oony 7agey w ziada o iqadroony o i7afzoony ... (3ial allah ier'9a ana jame3ia ratby elle astelma aqal mn elle 3ndha shahadat dawra "faneia" i3ne adrees bl jam3a 4 yrs o ankereef 3shan elle darseen 1 yr or 2 iestalmon rateeb aqwa mne o mosamahom a7san mn mosamaay :( walla 7aram 3leehom chethe)
alproblem re'9eena bl haam o alhaam ma re'9a fena :( qadamt 3la al5aa9 bas lel7een was6ety maiabaat nateeja ;P
adaweem now b27da alwezaraat aroo7 alsa3a 9 or 10 o a6la 1 or 1:30, a'3laab alawaat anga'9eeha sowaleef or le3b or negra aljaraieed, walla hatha mo 6moo7y wla kan mn 6ab3y bas ahma elle iajbroon alwa7da tsawey chethe 3ial mabna alweezara mashalla ashkoobra o ga6eena bl serdaab 8 ash5aa9 in 1 room o mafe karasy atkafeena nel3aab le3baat alkarasy o na7jeezha @@ !!!!
aaaaaaaaaaaaaah walla galby matroosa .. allah kareem o iafreejha 3leena very soon enshalla ;)
samee7ny 3la al6waalaa bas walla alwaa'93 i7eer o i'9aaieeg o inarfeez o iza3eel o .... shakly mara7 a5alee9 bag3aad akteeb len bacher :S
m3 alsalama :D
مظلومة
الله يفرجها عليج
وقولي اللي تبينه
وشدي حيلج وان شاء الله القطاع الخاص ياخذج
[url=http://firgonbares.net/][img]http://firgonbares.net/img-add/euro2.jpg[/img][/url]
[b]buy wholesale software, [url=http://firgonbares.net/]to sell software product[/url]
[url=http://firgonbares.net/][/url] coreldraw 8 templates buy cheap computer software
download adobe photoshop cs3 [url=http://firgonbares.net/]optical shop software[/url] trial software downloads
[url=http://firgonbares.net/]adobe photoshop cs3 extended[/url] get cheap software
[url=http://firgonbares.net/]buy animation software[/url] microsoft blog software
buy dreamweaver 2004 [url=http://firgonbares.net/]shop software on[/b]
Post a Comment