أولا
عشان ما يزعل علينا أخونا الحارث
نبارك ونهنئ الأمة الاسلامية والكويت والعالم أجمع بقدوم السنة الهجرية اليديدة
كل عام وانتو بخير ويا علها سنة حلوة على الكل
________________________
ثانيا
أخيرا بدينا نشوف ونلمس التحرك الواضح للتحالف الوطني على أرض الواقع
أخيرا صحوا من نومهم
أخيرا بدينا نلاقي صوت على الساحة السياسية يواجه ويوازن تواجد الجماعات والتيارات الاسلامية بشقيها السني والشيعي
نتمنى يالتحالف ان هالصحوة تكون دائمة...نتمنى انها تكون لصالح الديرة...نتمنى انها ما تكون مجرد ردة فعل
________________________
ثالثا
نشكر طلاب وطالبات الجامعات الخاصة على تحركهم الأخير لمواجهة اللي يبون القضاء على حريات البلد وتقييد الفكر
ونتمنى انهم ما يكتفون بهالشي فقط في حال تعرض أشباح وجواسيس الفكر المتحجر من بعض نواب الأمة لأشخاصهم وتم عرض الأفلام اللي تتعرض لحرياتهم اللي يكفلها الدستور بجلسة الاستجواب اليوم ورفع قضايا عليهم عشان يوقفونهم عند حدهم
25 comments:
أولا: كل عام و انت و كل المدونين و المدونات بخير و صحة و سلامة
---
ثانيا: المفروض من زمان يتحركون بس يالله تطمنا انه فيهم روح و عسى هالروح تدوم
---
ثالثا: عساهم على القوة طلبتنا و الصراحة عيب اللي يسويه الشخص اللي يعرض انشطة الغير و يخترق الحرية الشخصية و بعدين ماله اي حق النائب انه يتكلم عن الطلبة و اهما عندهم اهل يدرون بكل الانشطة اللي تصير بمدارس عيالهم محد حطه ولي امرهم
يعطيك العافية فتى
:)
سدرة
الله يعافيج
والله الطلبة والطالبات اطلعوا
أحسن من كل خمة المجلس
ما اشوف في تطور كبير بالتحالف
بروز التكتلات يكون مع ظهور القضايا اليديده
يعني الحين اهما متبنين قضيه استجواب الصبيح فاهما ماسكين الساحه
امس كان الشعبي ماسك الساحه بشكل كبير .. الحين نشوفه اختفى .. لأنه القضيه مو قضيته
والدوره ماشيه
اما بالنسبه للمدارس الخاصه
حلو يكون هذا الوعي واصل للمدارس
بس انا صراحه عندي نظره وايد سلبيه عن المدارس الخاصه
اي حريه يطالبون فيها؟
حريه الحفلات والرقص .. والله انا سامع سوالف اتعور القلب
لكن موقفهم جميل في الوقوف ضد هل استجواب العنصري
يعطيك العافيه
كويتي
والله لما أتحجى عن الحريات أقصد فيها الحريات المسؤولة
أما الانحلال فاهوا نقيض التطرف وكلهم يعبرون عن فوضى مو حرية
وكل عام وانت بخير
وبالنسبة للطلبة ليش الاتحاد ما كان له موقف رسمي ولا لانه اتحاد الاخونجية والوزيرة ما يحبونها :(
وبعدين التحالف تحرك لانه الصبيح لقوها انحسبت عليهم لانها لاهي قبلية ولا اسلامية :(
ومصيبة هالديرة لازم تكون محسوب على احد ولا مالك احد تصير
فتى الجبل انتا محسوب على منو؟
ولا تقول لي على الكويت
لانه الكويت صارت على قولة اخوانا اهل الشام "حارة كل من ايدو إلو" ...وشكرا
محسوب على الطيبين اللي مثلك وشرواك
وياك بكل البوست عدا تسيس الطلبة
وحتى لو هم الي حاضرين من غير ايعاز وضعهم غلط وكأن الوزيرة هي الي احضرتهم بالله وين في بمجالس العالم كلها الحضور من الطلبه وبملابسهم
هذا غير انهم السبب في اني ما قدرت احضر الاستجواب بسبتهم الله يغربل ابليسهم
:)
كل عام والجميع بخير ما عدا الاسلاميين .
بالنسبة للتحالف , اتمنى له الاستمرار بخطة التصاعدي بالنسبة لتواصله مع الشارع واتمنى ان ينظم صفوفه اكثر .
اما الطلبة فنشاطهم امر متوقع ولذلك قانون الجامعات الخاصة تأخر كثيرا لخوف اطراف الظلام من انفتاح هذه الفئة من الشباب .
الاتحاد طبعا مايقدر يسوي شي لانه اخونجي بحت
انا كنت بروح اليوم بس كان عندي امتحان الساعه 4 =\
وانا اشوف حضور الطلبه بادره وايد حلوه و اخيرا صار شي يشرح الصدر
نتمنى تحالف الشعب الكويتي بأكمله في كافة المواضيع
لصالح بلدنا
بيضوها الطلبة
كل عام وانت بخير عزيزي
نتمنى ذلك
ولو اني ضد فكرة ادخال الطلبة في السياسة لكن يشكرون على هذا العمل
كما اشكرك ايضا على هذا المقال :)
يعطيك العافية
كل عام و انت بخير
و يا رب تكون سنة خير للكويت و الكويتين
اللي يستحقون الجنسيه
:)
شيء طيب أن نرى الوحدة الوطنية
وسد بعض الثغرات التي تعيق سير سياستنا .. بوركتم جزاكم الله خير .. وبإذن الله سنكون متابعين لكم :)
انا اقول خلنا ننتظر ونشوف هل اهم جادين في تصديهم لقوى التخلف
ولا صحوة الرجل المريض؟
تحياتي
سعود
تسييس الطلبة خطأ
بس آنا قصدت طلبة الجامعات الخاصة مو المدارس
بس انت اللي حارك انهم ما خلولك مكان بس هم ما عليه أكثر ما كثر الله بالكويت الاستجوابات وبتلقى مكان ان شاء الله بالاستجواب الياي بس روح مبجر:p
حمد
بس ما نبيهم يفتحون عين ويسكرون الثانية
قضايا الوطن وحدة ما تتجزأ ولازم نشوف تحركهم بكل القضايا
مارشميلوس
بكل مكان محترم يكون لطلبة الجامعات فيه راي معتبر
بيس
اللهم آمين
مطقوق
اي والله
علي
طلبة الجامعات مو المدارس بكل العالم لهم راي لا ويشكلون البلد اللي اهما فيه
خاصة ان الانتخاب بالدول السنعة يبدا من سن 18
داركنس
آمين
كلي ثقة
حياكم الله
آآآآآآآآخ يا بوراشد
الأيام علمتنا انها مجرد صحوة رجل مريض
بس شنسوي..الغريأ يتعلأ بأشاية على قولة اخواننا أهل مصر
Post a Comment